You are currently browsing the monthly archive for April 2011.
Tic-Tac, Tic-Tac. As esleucions ya son aquí y os meyos lo sapen. En dos diyas he veyiu una noticia y una tira comica sobre o que clamoron eno suyo diya «A fuyida de cerebros».
O primer chornal en o que leyié declaracions de chovens que yeran difuera estió en El País, en a suya seución « Pre-parados» en a que os chovens emigrants espanyols s’esprisan y recentan as suyas esperencias. Tiengo a mías dubdas quan dicen as luengas que fablan (más que más porque muitos fan errors en espanyol) pero en cheneral tienen os mismos sentimients que tiengo yo. Entimás d’ixo, en iste mismo diario ya fablamos de «Las ilusiones perdidas» un articlo que torno a recomendar.
Ayere leyié en o mío Twitter bella cosa parexita d’o chornal conservador espanyol ABC titolato «España paga nuestra formación y otros países se aprovechan». Con o titol no bi-ha de problemas, ye asinas. Educación superior publica bosata por o gubierno espanyol y que dimpués bi-haiga que marchar ta atros paises a treaballar (o a prebar de treballar). Una miqueta más abaixo, no cal asperar muito, l’ABC fabla d’a cheneración perduta de Zapatero. Seguntes els, os atros gubiernos habioron de fer-lo muit bien.
As citas que deixan no son muit esferents a lo que aparixe en atros meyos d’una atra ideolochía, aquí van bels eixemplos :
Esta joven da en el clavo con el denominador común que azota a quienes comentan la noticia en internet: muchas horas, poco salario, por el que tienen que dar las gracias.
Ixo no ye falso, vas mirant de trobar treballos án sigas bosatos, si no tiens ixa suarde pues caldrá fer-lo de gufanya, no ? A veyer, puet estar que mesmo bel diya plegues a estar mileurista.
Lola Álvarez cree que «se abusa de las prácticas y las becas», algo de lo que ella dice ser una víctima. Critica también que «la política de creación de empleo en España no se encuentra tan cualificada como los titulados universitarios» del país.
Bi-ha mesmo qui dice que :
El debate se torna agrio en las redes cuando se habla unilateralmente de la «culpa» del presidente actual del Gobierno, José Luis Rodríguez Zapatero. Unos, como Guillermo Rodríguez, apuntan más alto y responsabilizan al sistema económico y político, controlado por bancos y directivos de grandes empresas, con políticos corruptos con una avaricia sin límites.
Amigo becario que escribiés o decumento, estoi con tú !
Sin dembargo, m’ha parexito muito millor a tira comica que he leyiu huet en Ara Vallès titolata « Fuyita de cerebros, permanixencia d’estomacos agradexius ». Qué verdat ! De primeras, que marchen difuera os que no mos van a esleyir en as votacions ; ye un problema que lis bufa la pocha porque os suyos fillos van a trobar un buen treballo, ixo ye platero. L’auture Qué ye ixo ? Nunca en a mía vida no lo conoxié. De segundas, istos que son difuera no mos estobaran, isto seguira estando ta nusatros in saecula saeculorum asinas que… pasa rai ! Chhhtt que prencipia lo futbol.
Nouville — Kanaky (Nouvelle-Calédonie) 22/03/2011
A historia d’ista isla no ye atra qu’una historia de colonización y racismo. En a epoca d’os grands trobos europeyos en o mundo, arriboron os angleses con James Cook —de feito l’avenida prencipal de Nouville leva o suyo nombre—. Marchoron os angleses, deixaron as malotías traitas dende Europa y arriboron os franceses.
Els s’apropioron d’ista tierra y metioron o sinyal francés (o que se feba en a epoca). Prencipió como isla-garchola, os franceses creyeban que a millor traza de rematar con o problemas yera nimbiar-los bien luent. Qué pasaba con os reyos que plegaban a suya condena ? En muitas vegadas, Francia no lis deixaba tornar, teneban ixe dreito privato. Manimenos, lis daban tierras.
Dovinatz de quí yeran ixas tierras ? Efeutivament, d’os kanakos como lis diciban os franceses ; os europeyos blancos preneban a tierra y a chent d’as tribus que y viviban habioron de marchar án lis diciban. Y ixo pues ? No yeran blancos, no yeran franceses, no teneban dengún dreito. No fa muito, bi-habió bella cosa parexita a una guerra cevil, clamada «les événements» y dimpués d’ixo prencipioron os achustos («accords Nouméa»).
Si no bi’n-ha de problemas, os kanakos, franceses, caledonians, wallisins, vietnamitas que viven aquí han de votar en 2014 un referendum d’independencia lo suyo esvenider. Encara no puedo prexinar os resultaus, pero siga o que siga estarán muit dificils.
L’altro’l diya, quan tornaba ta la mía cambra un mesache qui se clamaba Ken seguntes me dició, prencipió a fer-me bellas qüestions. D’án yes ? Yes mayestro ? Treballas en o liceo ? Una vegada que l’heba rispondito prencipió a charradeta. Ken ye en BTS (alto u baixo como una FP) d’incheniería, entimás d’ixo ya tien o suyo grau en Ciencias Politicas. Li recenté que yo soi muit interesato en as ciencias politicas y li demané án l’heba estudiato. « En París » —Capital d’a metropoli, me dicié ta yo— pero entimás adubió qu’heba feito politicas porque o suyo país estará independient en 2014 y s’amenistarán muitos politicos. Allí i dentrará Ken.
Remeré como en os procesos historicos de ex-colonización os liders siempre s’heban educato en a metropoli y s’i heban trayito as suyas ideyas. Yo también facié os míos estudeos en a capital d’Aragón de primeras, y en a d’Espanya dimpués. Sin dembargo, no cregio que siga un lider independentista como quiere estar Ken. Quí sape o que pasará en iste país ? Caldrá asperar.
Fa no muito tiempo leyié en El Imperio de Kapuscinski que os colonizadors u fillos de colonizadors tornan por sentiments de culpabilidat quan a colonia devient independient. Será isto como una nueva Archelia ? Estoi que no. De totas trazas, bi-ha chent con interpresas que ya son pensant en qué fer en atros territorios dimpués d’o 2014 au cas où. Yo tiengo as mías dubdas sobre os resultaus d’o referendum.
De primeras porque senguntes os achustos de Nouméa se ye caminant enta una soberanía compartita. Lo gubierno ye prenent competencias que Francia ya no nunca tiendrá pero bi-ha aspeutos con os que Kanaky no puet fer cosa. No puet pagar os chornals d’os mayestros que ye donant Francia, por eixemplo (uno d’os problemas d’os prés d’aquí ye por ixo) y no bi-ha muitos locals que quieran fer istos treballos por menos d’o qu’en tienent en a Metropoli… Prexinant muito puedo plegar ta la ideya de que Francia podiese donar una compensación, pero ixo no estará ta cutio. Y dimpués d’ixo ? Estaría como muitas atras ex-colonias d’Africa ? Veyeremos, o tiempo ye l’unico que l’en sape.
En istos diyas m’he trobato rematando un articlo que prencipié fa uns meses ta Rumania sobre Labordeta y o suyo primer LP «Cantar i Callar». M’ha parexito asabelo interesant veyer como muitos d’os problemas d’Aragón que yeran entimatos en as cantas de lo nuestro artista más entrenacional en os anyos 70 encara s’encerrinan en a nuestra sociedat.
Habié de leyer de muit buena gana a tesis de Carmen Gallego Ranedo titolata La inmigración africana en Zaragoza publicata en a Universitat Rovira i Virgili de Tarragona; mas especificament, os capetulos de la segunda parti que levan o nombre La inmigración extranjera en Aragón (pp. 123-269). Si sotz interesatos en iste tema tos recomiendo de leyer-la ya que se dicen cosas prou interesants.
En istas pachinas s’esfiende a ideya de que a emigración en ista tierra no ye cosa de un diya si no que gracias a idiosincrasia de la nuestra sociedat, a tradición de deixar o lugar án se naxió vien de muit luén. A primera ragón que me fería goyo sulinyar y que mos ye data en o estudeo aparixe por o sistema hereditario aragonés tradicional en o que tot o patrimonio le yera donato a lo primochenito; os atros chirmans habeban de fer-se con tierras y construyir a suya «casa» —pirenaicament fablant— dende cero. Isto prevocaba que os no-hereders habiesen de marchar en muitas vegadas de lo suyo lugar mirant de trovar o suyo esvenider.
Una atra qüestion que habría de fer-se ye: por qué si Aragón tien una superficie más gran que a que tien os Paises Baixos apenas tien población? y habríamos de continar con a venient pregunta, Por qué en Zaragoza vive a metat —alto u baixo— de la población aragonesa?
«Y mientras Zaragoza se repanchinga en su enorme desdoblamiento urbano para gloria de todos los especuladores del territorio, el resto crece en el silencio y aquella vieja pregunta de quién le cerrará los ojos a este país cuando esté callado, repercute en todos los costados, de valle a valle, de desierto a desierto, de páramo a páramo, de risco en risco y de un perfil humano que se acaba a otro perfil que nace, nuevo, increíblemente nuevo y absolutamente indiferente a la agonía sobrecogedora de toda nuestra historia crecida en piedra de murallones y de muros, de campanarios y corrales, de silencios y pesadumbres infinitas.»
Labordeta Subías, J.A. (1995) en Pueblos abandonados, ¿Un mundo perdido? Acín Fanlo, J.L y Pinilla, V.J. (coords.) Rolde de estudios aragoneses, Zaragoza. pp: 280-281
Rispuestas: A dura vida en os lugars, gubiernos que sabioron —o simplement no lis pretó— lebar as infraestructuras que s’amenistaban en os polius lugars de nuestra tierra, os frentes y as barallas d’a guerra cevil, entibos, l’efeuto clamada de los que prencipioron o camín d’a emigración dica Levant, Catalunya o Madrit…
«Precisamente un párrafo del primero1, el que dice “y dicen que hay tierras al Este donde se trabaja y pagan” quiere reflejar muy bien el destino de muchos aragoneses y su motivación para desplazarse. Un 60% del total de emigrantes se dirige hacia Barcelona y un 9% al resto de Cataluña 54. Los demás lo harán a Valencia (17%), sobre todo los de la provincia de Teruel; un 10% a Madrid y el resto repartido entre el País Vasco y, en menor medida, Canarias y Baleares.»
1 Se refiere a José Antonio Labordeta.
¿Y agora? Agora parixe que as cosas no cambearon muito. Os nuestros gubiernos democraticos han creyito que ha estau millor ta Aragón no luitar por as infraestructuras que amenistamos en os nuestros lugars. Ninos que han de devantar-se-ne as seis d’o matín ta pillar o bus que lis mena ta la escuela y tornan a la suya casa quan o sol fació muito que s’ha amagato, medicos que vienen una vegada por setmana, carreteras que as nieus y os chelos de l’hibierno deixan unos foraus asabelo periglosos, carreteras nacionals que no se quisioron desdoplar y en as que mueren muitas presonas cada anyada. Cal tener muito aimor por o tuyo lugar para no marchar.
O sentimiento prencipal que ye en muitos de nusatros estió muit buen esprisato en a canta de Ixo Rai ! con José Antonio Laordeta Un país. Os franceses le dicen dépaysage y els mos lo recentoron d’ista traza:
¿Cómo quieres que te quiera? Si esto ya no da más de sí. Cómo voy a abandonarte y el mar tan lejos de aquí.
Bel diya, quan prenemos conciencia (y aspero que no siga ya muit tardi) habremos de demanar o que mos furtaron y no perdonar as diudas historicas que teneban con nusatros para tener un gran estudiet en Madrit. Ixo si que ye mirar por a tuya chent, os politicos habrían de leyer-se más tesis de los cientificos y no tallar-lis as aduyas.
Soi seguro que ya habetz leyiu iste articlo de El País, estió muit celebre fa uns meses en os retes socials. Manimenos, estoi que ye interesant remerar o que aquí se ye dicindo. Agora que plegan as eleucions y que prencipiaran a fablar de lo bien que lo facioron o de lo mal que han lechislato, caldría prebar d’aturar iste exodo de la choventut. Mos creyemos que no pasa cosa, pero a reyalidat ye que son ya muitos amigos y conoxius os que deixaron Aragón mirant de trobar un esbenider millor en Londra, en Francia, en Madrit o en Barcelona. Yo yera o primer que lis diciba de marchar, ta estar cambrero aquí millor estar-lo difuera y entimás amilloras una luenga. Ye una cosa trista pero ye asinas, quí sape, puet estar que un diya tornes y que no siga en vancanzas.
Un aspeuto interesant ye que totz y totas d’os que marchoron heban rematau os suyos estudeos en a Universidat; Ta yo, ista ye a prencipal esferencia dentre os que marchoron en a post-guerra y en os anyos 60 y os que somos difuera en a autualidat.
No hay estadísticas oficiales sobre ellos. Nadie sabe cuántos son ni adonde se dirigen. No se agrupan bajo el nombre oficial de emigrantes. Son, más bien, una microhistoria que se cuenta entre amigos y familiares. “Mi hija está en Berlín”, “se ha marchado a Montpellier”, “se fue a Dubai” son frases que escuchamos sin reparar en el significado exacto que comportan. Escapan a las estadísticas de la emigración porque suelen tener un nivel alto de estudios y no se corresponden con el perfil típico de lo que pensamos que es un emigrante. Quizá en las cuentas oficiales figuren como residentes en el extranjero, pero deberían aparecer como nuevos exiliados producto de la ceguera de nuestro país.
Dengún mos dició de marchar, simplement creyimos que estaría o millor ta nusatros. Aspero que siga asinas.
No son, como dicen, una generación perdida para ellos mismos. No son los socorridos ni-nis que sirven para culpar a la juventud de su falta de empleo. Son una generación perdida para nuestro país y para nuestro futuro. Un tremendo error que pagaremos muy caro en forma de atraso, de empobrecimiento intelectual y técnico. Aunque todavía no lo sepamos.
Gracias a Concha Caballero por escribir o que muitos lis recentamos un diya a las nuestras familias y amigos.
unatroquemarcho 